Истифодаи амалиётҳои ҳуҷҷатӣ ва якҷоя намудани онҳо, ки ҳангоми гузаронидани пардохтҳои минтақавӣ ва иҷрои шартномаҳои хориҷӣ ба шарикони ҳамкор имконият фароҳам медиҳад, ки амалиётҳоро боз ҳам осон, боваринок ва қуллай амалӣ намоянд.

Аккредитив – ин ӯҳдадории шартии молиявии бонк, ки аз тарафи бонк бо супориши мизоҷ ба манфиати шарики шартномавии ӯ дода мешавад ва мувофиқи он бонки аккредитивкушода (бонки эмитент) метавонад дар ҳолати пешниҳод намудани ҳуҷҷатҳои дар аккредитив пешбинишуда ва иҷро гардидани дигар шартҳои аккредитив ба молтаъминкунанда пардохт гузаронад ё ба дигар бонк (бонки иҷрокунанда) ҳуқуқи гузаронидани пардохтро пешниҳод намояд.

Дар аккредитив шартҳои дастрас кардани мол, суғурта кардани он нишон дода мешавад, ки ҳамин тариқ хавфҳои дастрас намудани бор, дастрас намудани моли бесифат ва инчунин хавфи суғуртавӣ аз байн гирифта мешавад.

Инчунин тасдиқ кардани аккредитиви ҳуҷҷатӣ аз ҷониби ягон бонки хориҷии аввалиндараҷа имконпазир аст. Дар ин ҳолат ин бонк ва “Амонатбонк” уҳддориҳоро низ бад души худ мегиранд, ки иловатан хавфҳои фурӯшандаро низ кам мегардонад.