Пасандози «Муҳлатнок бо пардохти иловагӣ»
Имкониятҳо
Шартҳои амонатҳо
Саволҳо ва ҷавобҳо
Барои кушодани ҳисоби пасандозӣ чӣ гуна ҳуҷҷатҳо лозим мебошад?
▼Нусхаи ҳуҷҷати тасдиқкунандаи шахсияти пасандозгузор (шиноснома), нусхаи шаҳодатномаи таваллуди кӯдак (барои пасандози муҳлатноки «Кӯдакона») ва дархост оид ба кушодани ҳисоб.
Бонк ҳангоми кушодани ҳисоби пасандозӣ ба пасандозгузор кадом ҳуҷҷатҳоро медиҳад?
▼Бонк шартномаи пасандозӣ, дафтарчаи пасандозӣ (дар ҳолатҳои пешбинишуда) ва реквизитҳои ҳисоби пасандозиро пешниҳод менамояд.
Аз фоизҳое, ки бонк ба мизоҷ мепардозад, чанд фоиз андоз аз даромад гирифта мешавад?
▼Мутобиқи моддаи 127 Кодекси андози Ҷумҳурии Тоҷикистон ба андозаи 12% андоз аз даромад ситонида мешавад.
Пасандози кӯдакона ба номи кӯдакони то чанд сола кушода мешавад?
▼Пасандози кӯдакона ба номи кӯдакони то 15-сола кушода мешавад.
Дар ҳолати гум шудани дафтарчаи пасандозӣ, пасандозгузор бояд чӣ корҳоро ба анҷом расонад?
▼Дар ҳолати гум шудани дафтарчаи пасандозӣ, пасандозгузор бояд ба номи мудири филиал ариза пешниҳод намояд.
Агар соҳиби пасандоз дар дохили кишвар набошад, нафари дигар метавонад иловатан ба ҳисоби ӯ маблағ ворид намояд?
▼Метавонанд маблағи иловагӣ ворид намоянд, аммо дар сурати набудани соҳиби пасандоз, шахси дигар маблағҳои ӯро гирифта наметавонад.
Бисёр бонкҳо муфлис шуда истодаанд, оё ягон мақомот бозпас гардонидани маблағҳои пасандозиро кафолат медиҳад?
▼Маблағҳои амонату пасандозҳои дар Амонатбонк гузоштаи мизоҷонро тибқи қонунгузории амалкунандаи бонкӣ Ҳукумати Ҷумҳурии Тоҷикистон тавассути ҳамин Бонк кафолат додааст.
Аз хориҷи кишвар мустақиман ба суратҳисоби пасандозӣ маблағ гузаронида ва ворид карда мешавад?
▼Муҳоҷирони меҳнатӣ, ки берун аз кишвар қарор доранд, тавассути Низоми байналмилалии SWIFT ва барномаи «Амонат Мобайл» метавонанд ба ҳисоби пасандозии худ маблағ гузаронанд. Барои ин онҳо бояд Корти миллӣ дошта бошанд ва ба хизматрасонии Амонат Мобайл пайваст бошанд.